Etiopia ka numrin më të madh të njerëzve të zhvendosur në nivel global, tha në një njoftim Këshilli Norvegjez i Refugjatëve (NRC), transmeton Anadolu Agency (AA).

Sipas NRC-së, rreth 3.2 milionë njerëz janë zhvendosur nga konfliktet dhe thatësirat deri në prill të këtij viti në Etiopi, duke theksuar në dukje se vendi i Bririt të Afrikës pret mbi 900 mijë refugjatë, kryesisht nga Sudani i Jugut, Somalia dhe Eritrea.

NRC atribuoi rritjen e zhvendosjes në Etiopi për konflikt të brendshëm.

Sekretari i Përgjithshëm i NRC-së, Jan Egeland tha se: “Etiopia është definicioni i një krize të harruar, pavarësisht nga nevojat kolosale, kriza është nën-raportuar, nën-financuar dhe nën-ndihmuar. Shkalla dhe cilësia e përgjigjes humanitare janë shumë të papërshtatshme”.

Apeli i ndihmës së OKB-së për Etiopinë bëri thirrje për 1.31 miliard dollarë për vitin 2019, por është vetëm një e treta e financuar gjatë vitit.

“Kemi nevojë për një ndryshim 180 gradësh në qëndrime. Kombet më të pasura duhet të ndajnë peshën e rëndë, të gërmojnë thellë dhe të mbështesin vendet bujare si Etiopia për të lehtësuar vuajtjet njerëzore të milionave që largohen nga konfliktet në mbarë botën”, shtoi Egeland.